ما نسيتك

أمسح دموعي.. واقول اني نسيتك
وكل ما فتشت فـ اعماقي.. لقيتك!

لا متى وانا آتصبر دون جدوى؟
لا قطع صبري ظماي، ولا ارتويتك

لا بغيتك.. قمت اصحي ذكرياتي
مالي الا ذكرياتي لا بغيتك

ولا ذكرت عيونك.. اسرح.. واتنهد
يا فديت عيونك السود وفديتك

يا عذابي، ولا يا ثورة شجوني
لا مسكت الخط من بيتي لبيتك

لا نصيتك.. ضاقت الدنيا بعيني
واول اليا ضاقت الدنيا.. نصيتك!

بعتني في سوق نزواتك وانا اللي
بعت ما عندي من آمال وشريتك

يوم صرت اتنفس وصالك.. فقدتك
ويوم قمت اتعلم الضحكه.. بكيتك

كم كتبت الك الرسايل، والقصايد
وكم سعيت انهي جفاك وكم رجيتك

ما عطيت لقلبي المجروح فرصه
ذا وانا اللي كل ما تطلب عطيتك

اعترف بان الغلط منك ومني!
حتى لو اني تذمرت وشكيتك

غلطتك.. إنك تناسيت المحبه
وغلطتي.. إني من الأول هويتك

فان ذكرت اللي مضا بينك وبيني
ولا لو في غمرة احلامك لفيتك

إذكر انك متلف روحي بهجرك
وإذكر اني رغم هجراك.. ما نسيتك!!



قصيدة قريتها وحبيت أنقلها لكم .. ان شاء الله تعجبكم[/center]

مشكوره عى القصيده


بس جنها سالفة وحده مو معطينها وجه

هههههههه

thank you nice